سیدنا حضرت عمر فاروق رضی اللہ عنہ

نام: عمر

کنیت: ابوحفص

لقب:فاروقِ اعظم

نسب: عمر بن خطاب بن نفیل بن عبدالعزی بن ریاح بن عبد اللہ بن قرط بن رزاح بن عدی بن کعب بن لوی۔

رسول اللہ صلی اللہ علیہ وسلم سے قرابت:

۱۔حضرت عمرفاروق رضی اللہ عنہ نبی علیہ السلام کے سسر بھی تھے۔(۱)

۲۔نبی علیہ السلام کی نواسی حضرت ام کلثوم بنت علی کے خاوند بھی تھے۔ (۲)

احوال و خصوصیات:

Ø   حضرت ابوبکررضی اللہ عنہ کے بعد مسلمانوں کے خلیفۂ ثانی بنے۔

Ø   ایک روایت کے مطابق چالیس مردوں اورگیارہ عورتوں کے بعد اسلام لائے۔دوسری روایت کے مطابق انتالیس مردوں اور دس عورتوں کے بعد اسلام لائے۔

Ø   ان کے اسلام لانے کی وجہ سے مسلمان مسجد میں نماز پڑھنے لگے۔ (۱)

Ø   آپ صلی اللہ علیہ وسلم نے ان کے بارے میں فرمایا:

 ’’اگر میرے بعد کوئی نبی ہوتا تو عمر ہوتا۔‘‘(۳)

Ø   حضرت عمررضی اللہ عنہ کو اللہ کے نبی صلی اللہ علیہ وسلم نے اللہ تعالیٰ سے مانگا تھا۔(۱)

Ø   رسول اللہ صلی اللہ علیہ وسلم نے حضرت عمررضی اللہ عنہ کے بارے میں فرمایا:

 ’’إن اﷲ جعل الحق علی لسان عمر وقلبہ‘‘

 (ترجمہ:یعنی اللہ تعالیٰ نے حضرت عمر کی زبان اور دل پر حق جاری فرمادیا۔ (۴)

Ø   تاریخِ ہجری کی ابتدا حضرت عمررضی اللہ عنہ  ہی نے اپنے زمانے میں کی ۔ (۵)

Ø   حضرت عمررضي اللہ عنہ  کی جنت کا محل اللہ کے رسول صلی اللہ علیہ وسلم نے خواب میں دیکھا۔ (۶)

Ø   اللہ کے رسول صلی اللہ علیہ وسلم نے خواب میں حضرت عمررضی اللہ عنہ کو دودھ پلایا اور اس کی تعبیر ’’علم‘‘ بتلائی۔ (۷)

Ø   رسول اللہ صلی اللہ علیہ وسلم کے ارشاد کے مفہوم ہے:

’’اے عمر! تم جس راہ سے گزرتے ہو شیطان وہاں سے اپنا راستہ بدل دیتا ہے۔‘‘(۸)

حواشی:

(۱)أسد الغابۃ، باب العین ، عمر بن الخطاب ، ۱/۸۱۴إلی۸۳۲۔

(۲)الإصابۃ، حرف الیائ، القسم الرابع، ۴/۱۱۹۔

(۳)جامع الترمذی، ابواب المناقب ، باب فی مناقب عمر بن الخطاب، الرقم:۳۶۸۶۔

(۴)جامع الترمذی، ابواب المناقب ، باب فی مناقب عمر بن الخطاب، الرقم:۳۶۸۲۔

(۵)الموسوعۃ الفقھیۃ، مصطلح تاریخ۔

(۶)صحیح البخاری، کتاب المناقب، باب مناقب عمر بن الخطاب، الرقم:۳۶۷۹۔

(۷)جامع الترمذی، أبواب المناقب، باب فی مناقب عمر بن الخطاب، الرقم:۳۶۸۷۔

(۸)صحیح البخاری ، کتاب المناقب، باب مناقب عمر بن الخطاب ، الرقم:۳۶۸۳۔